Transcription
1
[brouillon de lettre à Charles IX]
2
Sire, du VIIIe de ce moys, je vous ay faict entendre ce quy estoyt
3
survenu en ce gouvernement, mays, despuys, jay sceu que le jour
4
precedant, quy estoyt le VIIe, par tous les endroytz de ce gouvernement,
5
ceulx de novele oppinion seslevèrent et tentarent de surprendre
6
Embrun, Grenoble, Serre, Dye, Orpières, Saint-André de Rosans,
7
Montelymar et Romans. Mays, Dieu graces, aucune de leurs entreprinses
8
ne vint à effect que uune sus Orpières, lieu quy est au prince d'Orange
9
et neantmoings en Daulphiné, le quel vile et chasteau estoyent
10
desmantelés, mays à la preservation du seigneur de Vilefranche quy avoyt
11
sa meyson léans. Je luy promis de fayre relever les breches tant
12
seulement de la ruine et de muraille sèche ; et à esté trahi par
13
ung de ladite novele oppinion à quy il se fioyt. A la verité, il luy donnoyt
14
quelques advis, mays non pas au besoing, ce quest leur costume.
15
Entre les autres viles quils ont failly, ce a esté Le Buys, quest ung
16
siège du balliage des Montagnes. Montbrun, qui en est voysin quatre
17
l[i]eues menoyt ceste pratique et ung Saynt-Aubray que votre magesté
18
fit sortir ors de prison à Paris, qui sy estoyt catholise et avoyt fayct
19les festes de Pasques audit Buis [barré : et estoyt ] comme les catholiques [barré : mays ] et
20nen estoyt parti ledit jour [barré : il ] et, aveques quelque siens adherens, gaignerent la
21
porte. Montbrun, quy estoyt deors en embusquade ne le sceut secourir si
22
à propos que ceulx de la ville ne luy fissent abandonner ladite
23
porte et se sauva, blessé à ung bras ; et y eut dune part et dautre
24
de tués et blessés. Ceulx du Viverays et du Pouzin quy passèrent
25
en lile que je vous ay faict entendre, ont repassé dautant quilz nont
26
trové tant de lieux saysys comme on leur avoyt promis ; du costé de
27
Pragela et Fressinières et valée d'Engrongne sy fayct quelque remuement
28
que a esté cause, syre, et aussy voyant teles esmotions, que jay prié
29
monsieur larcevesque d'Embrun de sy retyrer, le quel estoyt sus son partement
30
pour satisfayre voz commandemens de vous aler trover. Je
31
suplie très humblement votre magesté trover bon tel arrest car certey
32
nement, syre, il est tant aymé et respecté en Brianssonnoys, Embrunoys
33
et Gappaçoys et en toutes ses montagnes, que il vous y fera service et
34
ne sache aucunz en ses endroytz là quy en aye mieulx les moyens ;
35
quant à laffection et volunté, je nen diray rien, syre, car elle vous
36
est de long temps cogneue. Il vous plerra luy fayre entendre sus ce
37
votre intention.
38
Sire, jey esté constreint fayre levée daucunes compagnies, tant pour
39
metre dans les viles que pour du tout ne abandonner la campagne. Je nay
40
moyen de les fayre payer et mal ayscément vivre. Sil plesoyt à votre
41
magesté me permetre de mayder de quelque impot sus le sel qui est
42
à la moindre foule de voz sugetz, dautant que lestranger en paye sa
43
part. Il me semble que seroyt très à propos. Je viens presentement
44
destre adverty que ceulx du Viverays veulent revenir de çà sus lesperance
45
quon leur donne que Saint-Roman doybt venir aveques quelques forces du
46
costé de Genève et Berne " [marge gauche : " suivant ladvis que votre magesté en a eu et quil vous a pleu me fayre me fayre entendre par votre despeche du IIe] et aussy que ledit Saint-Auban est blessé en troys ou quatre
47
lieux, à qui on nespère vie, le vray loyer de son merite ne voulant oblier de
48
[64 v°] remercier très humblement votre magesté de leconomat
49
quil vous a pleu maccorder, je ne le veulx pour en frustrer
50
le consistoyre du pape du droyt des bules du quel nean
51moings jen espère [barré : quelque ] quelque grace par votre moyen
52
et faveur, mays cest pour povoyr des fruitz satisfère
53
à la despence de la despeche, me retrouvant en telle
54
necessité pour ne recevoyr aucung payement de
55
mes estatz, que je ne scay plus où jen suis, et toutesfois,
56
je demeureray assés satisfayct, syre, pourveu que
57
vous soyés mestre de La Rochele, car cest de là
58dou deppend le repos de votre royaulme. [barré : jentens que
59iceulx d'Ourange, contre les accordz faytz aveques [barré : monsieur ] messieurs
60
le cardinal d'Armaignanc et mareschal de Dampville,
61ferent ledit jour VIIe tous actes [barré : dach ] dostilité et courent
62
sus ce gouvernement.
63
64
[brouillon de lettre àA Catherine de Medicis]
65Madame, par [barré : ceste ] la lettre que jescriz au roy, qui accompangera la presente,
66
votre magesté verra, sil luy plaist, quelz affaires me sont tout à coup tumbez
67
sur les bras et la peyne où je suys dy pourvoir et faire fournir à la
68
despence qui y est necessaire ; qui me faict pource faire supplier très humblement
69votre magesté [barré : m ] estre contante que je puisse mestre ung impoz sur le sel,
70
attendu que cest tout le moyen que je puys esperer en cella, et le
71
moings dommageable à voz subiectz ; dautant que lestranger en portera
72sa part. Aussi [barré : sy ] ne veulx je oblié à vous remercier de massurer,
73
madame, lyconnomat quil vous a pleu maccorder, que je nay recherché
74
pour cuyder en rien alterer des droictz de notre Saint-Père si nest en tant que
75
sera son bon plaisir et le votre, mais cest pour la necessité où je suys,
76
comme il plaira à votredite magesté entendre par madite lettre etc ...